Ferill 418. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 573 — 418. mál.
Fyrirspurn
til sjávarútvegs- og landbúnaðarráðherra um starfsmannamál ráðuneytisins og stofnana á málefnasviði ráðherra.
Frá Birgi Þórarinssyni.
1. Hversu oft á undanförnum sjö árum hefur ráðuneytið eða stofnanir á málefnasviði ráðherra greitt bætur fyrir ólögmætar uppsagnir starfsmanna vegna annars vegar dómsmála, sátta fyrir dómstólum og sáttamála hjá ríkislögmanni og hins vegar annars konar sáttar eða samkomulags?
2. Hversu margir starfslokasamningar hafa verið gerðir undanfarin sjö ár í ráðuneytinu annars vegar og stofnunum á málefnasviði ráðherra hins vegar? Hver var árleg heildarfjárhæð í hverjum flokki uppgjörs fyrir sig?
3. Hver er ábyrgð forstöðumanna sem segja starfsmanni upp á ólögmætan hátt á því tjóni sem þeir valda ríkissjóði og hvernig hefur verið farið með þá ábyrgð?
4. Hversu áreiðanlegar telur ráðherra að upplýsingar um fjölda og fjárhæðir starfslokasamninga séu? Telur ráðherra hugsanlegt að gerðir séu starfslokasamningar sem fela í sér greiðslur úr ríkissjóði umfram lagaskyldur og kjarasamninga án vitneskju ráðuneytisins?
5. Hversu oft hafa starfsmenn ráðuneytisins eða stofnana á málefnasviði ráðherra haft forgang að sambærilegum störfum hjá ríkinu eftir að starf þeirra hefur verið lagt niður eða þeim hefur verið sagt upp og hvernig tryggir ráðuneytið að starfsmenn njóti þeirra réttinda?
Skriflegt svar óskast.
