Ferill 258. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 362 — 258. mál.
Fyrirspurn
til heilbrigðisráðherra um minnisblöð sóttvarnalæknis og ákvarðanir ráðherra.
Frá Bergþóri Ólasyni.
1. Hversu mörgum minnisblöðum hefur embætti sóttvarnalæknis skilað til ráðherra frá upphafi COVID-19-faraldursins? Óskað er eftir útlistun allra minnisblaðanna.
2. Í hvaða tilvikum var farið að hverri framkominni tillögu sóttvarnalæknis og hvenær ekki eða að hluta? Óskað er nákvæmrar greiningar á þessum atriðum.
3. Með hvaða hætti uppfyllti ráðherra rannsóknarskyldu sína við hverja ákvörðun sína um sóttvarnaaðgerðir?
Skriflegt svar óskast.
