Ferill 225. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 226 — 225. mál.
Fyrirspurn
til fjármála- og efnahagsráðherra um frekari sölu á eignarhluta í Íslandsbanka.
Frá Þorbjörgu Sigríði Gunnlaugsdóttur.
1. Hvert er hið nýja fyrirkomulag við frekari sölu á eignarhluta ríkisins í Íslandsbanka sem ríkisstjórnin boðaði 19. apríl sl. og hvenær er frumvarp þess efnis væntanlegt?
2. Er hið nýja fyrirkomulag forsenda þess að frekari sala á eignarhlutum ríkisins í fjármálafyrirtækjum fari fram eða telur ráðherra efni til að halda söluferlinu áfram þrátt fyrir yfirlýsingu formanna ríkisstjórnarflokkanna í apríl sl.?
3. Hvert er mat á samanlögðu virði allra þeirra eignarhluta ríkisins í fjármálafyrirtækjum sem Bankasýsla ríkisins hefur umsjón með?
4. Er einhugur í ríkisstjórn um fyrirkomulag sölu á eignarhlutum ríkisins í fjármálafyrirtækjum?
Skriflegt svar óskast.
