Ferill 263. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 264 — 263. mál.
Fyrirspurn
til heilbrigðisráðherra um niðurgreiðslu aðgerða á tunguhafti.
Frá Guðrúnu Hafsteinsdóttur.
1. Hve háa fjárhæð hafa Sjúkratryggingar Íslands greitt vegna aðgerða á tunguhafti barna frá 1. janúar 2020?
2. Hafa Sjúkratryggingar Íslands hafnað niðurgreiðslu vegna tunguhaftsaðgerða á börnum frá 1. janúar 2020? Ef svo er, hversu mörgum?
3. Hversu mörg börn biðu 1. september 2022 eftir aðgerð á tunguhafti?
4. Hversu langur er meðalbiðtími eftir aðgerð á tunguhafti barna?
5. Hefur landlæknisembættið farið þess á leit við þá lækna sem bjóða upp á tungu- og varahaftsaðgerðir að þeir geti sýnt fram á þekkingu á því sviði?
6. Hvers vegna var starfsemi Tunguhaftssetursins stöðvuð af landlækni án þess að lagt væri mat á gæði og árangur þeirrar meðferðar sem þar var veitt?
7. Hvernig er greiningu og meðferð á tunguhafti hjá ungbörnum á fæðingardeild og í ungbarnaeftirliti háttað?
8. Hvernig er greiningu og meðferð á tunguhafti hjá eldri börnum með talvanda háttað?
9. Hvernig var nefnd sem vann að gerð klínískra leiðbeininga um aðgerðir á stuttu tunguhafti og efrivararhafti samansett?
Skriflegt svar óskast.
