Ferill 472. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 554 — 472. mál.
Fyrirspurn
til matvælaráðherra um endurheimt votlendis á ríkisjörðum.
Frá Þorbjörgu Sigríði Gunnlaugsdóttur.
1. Á hversu mörgum ríkisjörðum er framræst votlendi?
2. Hversu mikil er áætluð losun gróðurhúsalofttegunda frá þeim ríkisjörðum?
3. Hversu mikið votlendi (fjöldi hektara) væri hægt að endurheimta á þeim jörðum án þess að raska t.d. matvælaframleiðslu?
4. Hversu mikið af framræstu votlendi í eigu ríkisins er búið að endurheimta og hvað stöðvaði það losun á mörgum tonnum af CO2-ígildum?
5. Hvað er búið að verja miklum upphæðum í að endurheimta votlendi á ríkisjörðum?
6. Hyggst ráðherra beita sér fyrir því að endurheimta votlendi á ríkisjörðum mun hraðar en nú er til að draga úr losun gróðurhúsalofttegunda?
Skriflegt svar óskast.
