Ferill 635. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 998 — 635. mál.
Fyrirspurn
til félags- og vinnumarkaðsráðherra um samræmda móttöku flóttafólks.
Frá Andrési Inga Jónssyni.
1. Hafa sveitarfélög sett skilyrði eða lagt sérstaka áherslu á móttöku fólks af tilteknu þjóðerni við gerð þjónustusamninga um samræmda móttöku flóttafólks? Óskað er eftir sundurliðun eftir sveitarfélögum og þjóðerni ef við á.
2. Hefur ráðuneytið fallist á slíka skilmála sveitarfélaga? Ef svo er, á hvaða lagaheimild byggir það? Telur ráðuneytið slík skilyrði eða áherslur samræmast ákvæði 65. gr. stjórnarskrárinnar?
Skriflegt svar óskast.