Ferill 668. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1038 — 668. mál.
Fyrirspurn
til menningar- og viðskiptaráðherra um endurgreiðslur vegna útgáfu bóka á íslensku.
Frá Birni Leví Gunnarssyni.
1. Hvernig hafa árlegar heildarendurgreiðslur vegna útgáfu bóka á íslensku, samkvæmt lögum nr. 130/2018, skipst á milli innlendra og erlendra aðila síðan lögin tóku gildi? Svar óskast sundurliðað eftir því hvort um er að ræða:
a. beinan launakostnað vegna útgáfu bókar,
b. beinar verktakagreiðslur vegna útgáfu bókar,
c. laun höfundar eða rétthafa,
d. prentkostnað og hliðstæðan kostnað vegna útgáfu í öðru formi en á prenti,
e. þýðingarkostnað og kostnað vegna prófarkalesturs,
f. auglýsinga- og kynningarkostnað sem fellur til á næstu fjórum mánuðum eftir útgáfu bókar eða
g. eigin vinnu, sbr. 7. gr. laganna.
2. Þar sem lögunum er ætlað að styrkja útgáfu á íslensku, telur ráðherra eðlilegt að tekið sé tillit til íslensks handverks og útgáfu að öðru leyti, svo sem í prentun og auglýsingagerð?
Skriflegt svar óskast.
