F. á Akranesi 29. okt. 1942. For.: Guðmundur Engilbert Guðjónsson (f. 1. ágúst 1905, d. 10. nóv. 1990) skipstjóri þar og k. h. Kristjana Guðrún Þorvaldsdóttir (f. 23. okt. 1911, d. 3. júlí 1990) húsmóðir, systir Ágústs Þorvaldssonar alþm., föðursystir Guðna Ágústssonar alþm. og ráðherra. K. (11. mars 1982) Guðný Jóna Ólafsdóttir (f. 3. febr. 1957) sjúkraliði. For.: Ólafur Jón Þórðarson og k. h. Þórey Jónsdóttir. Börn: Eyþór Ólafur (1978), Kristjana (1982), Erla Þóra (1984).
Gagnfræðapróf Akranesi 1959. Ýmis stjórnunarnámskeið 1960-1970.
Starfsmaður hjá Haraldi Böðvarssyni & Co. 1959 og síðan Skipasmíðastöð Þorgeirs og Ellerts, skrifstofustjóri við sama fyrirtæki síðan 1970. Verslunarrekstur á Akranesi. Verslunarrekstur á Akranesi. Framkvæmdastjóri Dvalarheimilisins Höfða á Akranesi síðan 2005.
Formaður fulltrúaráðs sjálfstæðisfélaganna á Akranesi og í flokksráði Sjálfstæðisflokksins frá 1984. Í stjórn Rafveitu Akraness 1970-1994. Í bæjarstjórn Akraness 1974-1978 og 1982-1990, forseti bæjarstjórnar 1984-1986, í bæjarráði 1984-1990. Í raforkunefnd Vesturlands 1976-1978. Í Knattspyrnuráði Akraness ellefu ár og í stjórn Bridgesambands Íslands tvö ár. Formaður stjórnar Vélbátaábyrgðafélags Akurnesinga og í stjórn Síldar- og fiskimjölsverksmiðju Akraness, Hraðfrystihússins Heimaskaga og Útgerðarfélagsins Hafbjargar um árabil. Í orkuráði síðan 1991. Sat á allsherjarþingi Sameinuðu þjóðanna 1991 og 1994. Í stjórn Sementsverksmiðjunnar frá 1993 og stjórnarformaður Skallagríms 1995-1998. Í stjórn Byggðastofnunar síðan 1995.
Alþm. Vesturl. 1991-2003 (Sjálfstfl.).
2. varaforseti Alþingis 1999-2003. Félagsmálanefnd 1991-1995, iðnaðarnefnd 1991-2003, efnahags- og viðskiptanefnd 1992-1995, landbúnaðarnefnd 1995-2003, sérnefnd um stjórnarskrármál 1999-2000.
Íslandsdeild ÖSE-þingsins 1993 og 1995-1999 og 2000-2003 (form. 2000-2001).
