Á forsíðu
Þingmál
Þingmenn
Þingfundir
Ræður
Lagasafn
Þingnefndir
Alþjóðastarf
Bein útsending


Næst í nærmynd
Einar Brynjólfsson
7. þm. NA, P, EB
Einar Brynjólfsson

   
Einar Ágústsson

Einar Ágústsson

Fæddur í Hallgeirsey í Austur-Landeyjum 23. september 1922, dáinn 12. apríl 1986. Foreldrar: Ágúst Einarsson (fæddur 13. ágúst 1898, dáinn 12. september 1988) kaupfélagsstjóri þar og kona hans Helga Jónasdóttir (fædd 9. ágúst 1897, dáin 9. maí 1929) kennari og húsmóðir, systir Helga Jónassonar alþingismanns. Maki (7. október 1948): Þórunn Sigurðardóttir (fædd 12. maí 1927) húsmóðir. Foreldrar: Sigurður Þorsteinsson og kona hans Kristjana Einarsdóttir. Börn: Helga (1949), Kristjana Erna (1954), Þóra (1958), Sigurður (1960).

Stúdentspróf MR 1941. Lögfræðipróf HÍ 1947. Hdl. 1951.

Skrifstofustjóri Sölunefndar varnarliðseigna 1947—1954, jafnframt starfsmaður fjárhagsráðs. Fulltrúi í fjármálaráðuneyti 1954—1957. Sparisjóðsstjóri Samvinnusparisjóðsins frá stofnun hans 1. mars 1957 til 1963 og jafnframt fulltrúi forstjóra Sambands íslenskra samvinnufélaga og forstöðumaður lífeyrissjóðs sambandsins til 1960. Bankastjóri Samvinnubankans 1963—1971. Skipaður 14. júlí 1971 utanríkisráðherra, lausn 2. júlí 1974, en gegndi störfum áfram til 28. ágúst. Skipaður utanríkisráðherra á ný 28. ágúst 1974, lausn 27. júní 1978, en gegndi störfum til 1. september. Sendiherra í Danmörku frá 1980 til æviloka og jafnframt sendiherra á Ítalíu, í Ísrael og Tyrklandi.

Formaður Framsóknarfélags Reykjavíkur 1958—1961. Í miðstjórn Framsóknarflokksins 1960—1980, í framkvæmdastjórn flokksins 1968—1980, varaformaður flokksins 1967—1980. Borgarfulltrúi í Reykjavík 1962—1971, í borgarráði 1963—1964. Fulltrúi á fundum Þingmannasamtaka Norður-Atlantshafsríkjanna 1968, 1969, 1978 og 1979. Í stjórn Landsvirkjunar 1971—1980. Formaður öryggismálanefndar 1978—1979. Í Norðurlandaráði 1978—1980.

Alþingismaður Reykvíkinga 1963—1979 (Framsóknarflokkur).

Varaþingmaður Reykvíkinga október—nóvember 1960, febrúar 1962, febrúar—mars 1963.

Utanríkisráðherra 1971—1978.



Síðast breytt 13.04.2015.





Þingmenn í stafrófsröð

Skammstafanir í æviágripum



Öllum fyrirspurnum, ábendingum og tillögum um
vef Alþingis skal beint til ritstjóra vefs Alþingis.