 Friðjón Skarphéðinsson Fæddur á Oddsstöðum í Miðdölum 15. apríl 1909, dáinn 31. mars 1996. Foreldrar: Skarphéðinn Jónsson (fæddur 28. júní 1860, dáinn 17. febrúar 1919) bóndi þar og kona hans Kristín Pálmadóttir (fædd 5. ágúst 1874, dáin 28. febrúar 1937) húsmóðir. Maki 1 (2. nóvember 1937): María Dóra Þórarinsdóttir Egilson (fædd 12. apríl 1916, dáin 18. mars 1965) húsmóðir. Þau skildu 1962. Foreldrar: Þórarinn Böðvar Egilson og kona hans Elísabet Halldórsdóttir Egilson. Maki 2 (28. júní 1963): Sigríður Ólafsdóttir Thorarensen (fædd 31. maí 1930) bankastarfsmaður. Foreldrar: Ólafur Thorarensen og kona hans María Frímannsdóttir Thorarensen. Sonur Friðjóns og Maríu: Þórarinn (1938). Börn Friðjóns og Sigríðar: Ólafur Héðinn (1964), Kristín Lára (1967). Kjördóttir Friðjóns, dóttir Sigríðar: María (1956). Stúdentspróf MR 1930. Lögfræðipróf HÍ 1935. Framhaldsnám í Kaupmannahöfn 1937—1938. Fulltrúi sýslumannsins í Gullbringu- og Kjósarsýslu og bæjarfógetans í Hafnarfirði 1935. Starfsmaður Olíuverslunar Íslands í Reykjavík 1936—1937. Bæjarstjóri í Hafnarfirði 1938—1945. Sýslumaður í Eyjafjarðarsýslu og bæjarfógeti á Akureyri 1945—1958 og 1959—1967. Skipaður 23. desember 1958 dómsmála-, landbúnaðar- og félagsmálaráðherra, lausn 19. nóvember 1959, en gegndi störfum til 20. nóvember. Yfirborgarfógeti í Reykjavík 1967—1979. Skipaður 1941 í milliþinganefnd um orlof, formaður nefndarinnar. Bæjarfulltrúi á Akureyri 1946—1950. Fulltrúi á þingi Evrópuráðsins í Strasbourg 1958—1960 og 1964—1967. Kosinn 1957 í mannréttindanefnd Evrópuráðsins og sat í henni til 1962. Í stjórn Dómarafélags Íslands 1957—1964. Í orðunefnd 1970—1986, formaður 1980—1986. Alþingismaður Akureyrar 1956—1959. Landskjörinn alþingismaður (Akureyrar) 1959, (Norðurlands eystra) 1959—1963 og 1965—1967 (Alþýðuflokkur). Landskjörinn varaþingmaður (Norðurlands eystra) nóvember—desember 1963. Dómsmála-, landbúnaðar- og félagsmálaráðherra 1958—1959. Forseti sameinaðs þings 1959—1963. 1. varaforseti efri deildar 1956—1958.
|
