Birgir Þórarinsson

Birgir Þórarinsson
  • Kjördæmi: Suðurkjördæmi
  • Þingflokkur: Miðflokkurinn
  • 898-6760

Þingseta

Alþingismaður Suðurkjördæmis síðan 2017 (Miðflokkurinn).

Varaþingmaður Suðurkjördæmis október–nóvember 2010 og október 2012 (Framsóknarflokkur).

Æviágrip

Fæddur í Keflavík 23. júní 1965. Foreldrar: Þórarinn Brynjólfsson (fæddur 23. ágúst 1931, dáinn 27. maí 2005) bifreiðarstjóri og Jóhanna Ragna Magnúsdóttir (fædd 1. febrúar 1937) húsmóðir. Maki: Anna Rut Sverrisdóttir (fædd 24. október 1966) ljósmóðir og hjúkrunarfræðingur. Foreldrar: Sverrir H. Halldórsson og Dýrunn Steindórsdóttir. Börn: Sverrir (1990), Þórarinn (1995), Hjalti (2005).

Stúdentspróf Fjölbrautaskóla Suðurnesja 1986. BA-próf í guðfræði frá HÍ 2002. Diplóma í opinberri stjórnsýslu og stjórnun frá EHÍ 2003. Meistarapróf í alþjóðasamskiptum og utanríkisþjónustu (MIS) frá School of International Service, American University, Washington DC, Bandaríkjunum, 2006.

Lögreglumaður á Keflavíkurflugvelli sumrin 1986–1990 og slökkviliðsmaður þar sumrin 1991–1996. Stjórnandi samskiptasviðs Slökkviliðsins á Keflavíkurflugvelli 1997–2005. Í bæjarstjórn sveitarfélagsins Voga 2002–2005. Ráðgjafi á sölu- og markaðssviði SPRON 2007–2009. Starfsmaður utanríkisráðuneytisins 2011. Rak eigin ferðaþjónustu 2012–2014. Starfaði hjá Sameinuðu þjóðunum við yfirstjórn UNRWA í Miðausturlöndum 2014–2016.

Stofnandi og í stjórn leikfélags FS, Vox Arena, 1983–1986. Stofnandi og formaður Málfundafélags FS 1983–1986. Í stjórn kristilega stúdentafélagsins KSF 1996–1997. Formaður Minja- og sögufélags Vatnsleysustrandar 2003–2014. Í miðstjórn og í landsstjórn Framsóknarflokksins 2007–2013. Formaður Kjördæmasambands Famsóknarfélaganna í Suðurkjördæmi 2007–2011.

Alþingismaður Suðurkjördæmis síðan 2017 (Miðflokkurinn).

Varaþingmaður Suðurkjördæmis október–nóvember 2010 og október 2012 (Framsóknarflokkur).

Kjörbréfanefnd 2017–.

Æviágripi síðast breytt 14. desember 2017.