Elsa Lára Arnardóttir

Elsa Lára Arnardóttir
  • Kjördæmi: Norðvesturkjördæmi
  • Þingflokkur: Framsóknarflokkur

Þingseta

Alþingismaður Norðvesturkjördæmis síðan 2013 (Framsóknarflokkur).

Æviágrip

Fædd í Reykjavík 30. desember 1975. Foreldrar: Örn Johansen (fæddur 11. ágúst 1957) verktaki og Sigríður Lárusdóttir (fædd 4. febrúar 1960) sjúkraliði. Maki: Rúnar Geir Þorsteinsson (fæddur 28. júlí 1974) rafiðnfræðingur. Foreldrar: Hrönn Árnadóttir og Þorsteinn Jónsson. Börn: Þorsteinn Atli (1998), Þórdís Eva (2003).

Stúdentspróf FVA 1996. B.Ed.-grunnskólakennarapróf KHÍ 2005.

Starfaði við fiskvinnslu hjá Skinney–Þinganesi á Höfn í Hornafirði á sumrin 1993–1997. Fulltrúi hjá Tryggingastofnun ríkisins 1998–1999. Ritari hjá Brekkubæjarskóla á Akranesi 1999–2001 og leiðbeinandi þar 2001–2003. Kennari við Heiðarskóla í Hvalfjarðarsveit 2005–2006 og við Brekkubæjarskóla á Akranesi 2006–2013.

Í fulltrúaráði Heimilis og skóla síðan 2008. Varamaður í bæjarstjórn Akraness 2010–2013. Í stjórn Akranesstofu 2010–2013, varamaður í fjölskylduráði og bæjarráði 2010–2013 og fulltrúaráði FVA síðan 2010. Í forustu fyrir foreldrahóp einhverfra barna á Akranesi og nágrenni 2010–2012. Í afmælisnefnd Akraneskaupsstaðar 2012.

Alþingismaður Norðvesturkjördæmis síðan 2013 (Framsóknarflokkur).

Allsherjar- og menntamálanefnd 2013–2015, velferðarnefnd 2015–2016 og 2017–, stjórnskipunar- og eftirlitsnefnd 2015–2016, efnahags- og viðskiptanefnd 2016–2017.

Íslandsdeild þings Öryggis- og samvinnustofnunar Evrópu 2013–2016 (formaður).

Æviágripi síðast breytt 3. febrúar 2017.