Andrés Ingi Jónsson

Andrés Ingi Jónsson
  • Kjördæmi: Reykjavíkurkjördæmi norður
  • Þingflokkur: Vinstrihreyfingin – grænt framboð
  • 892-5427

Þingseta

Alþingismaður Reykjavíkurkjördæmis norður síðan 2016 (Vinstrihreyfingin – grænt framboð).

Varaþingmaður Reykjavíkurkjördæmis norður júní–júlí 2015 (Vinstrihreyfingin – grænt framboð).

Æviágrip

Fæddur í Reykjavík 16. ágúst 1979. Foreldrar: Jón Halldór Hannesson (fæddur 22. maí 1952, dáinn 27. apríl 1997) kennari og ferðaþjónustubóndi og Guðrún Andrésdóttir (fædd 13. maí 1953) kennari og ferðaþjónustubóndi. Maki: Rúna Vigdís Guðmarsdóttir (fædd 20. desember 1979) verkefnisstjóri. Foreldrar: Guðmar Magnússon og Ragna Bjarnadóttir. Börn: Halldór (2010), Ragna (2013).

Stúdentspróf FSu 1998. BA-próf í heimspeki frá HÍ 2004. MA-próf í stjórnmálafræði frá University of Sussex 2007.

Starfsmaður á geðdeildum Landspítala 2002–2004. Blaðamaður á 24 stundum 2007–2008. Verkefnisstjóri hjá Alþjóðamálastofnun HÍ 2009. Upplýsingafulltrúi umhverfisráðuneytis og heilbrigðisráðuneytis 2009–2010. Aðstoðarmaður heilbrigðisráðherra 2010. Nefndarritari hjá stjórnlagaráði 2011. Aðstoðarmaður umhverfis- og auðlindaráðherra 2011–2013.

Í stjórn Kvenréttindafélags Íslands 2009–2013. Í starfshópi um aukinn þátt karla í jafnréttismálum 2011–2013. Í starfshópi um myrkurgæði 2012–2013. Varaformaður Félags stjórnmálafræðinga 2012–2013. Varamaður í stjórn Landsvirkjunar 2013–2014. Varamaður í þróunarsamvinnunefnd 2013–2015. Í Þingvallanefnd síðan 2017.

Alþingismaður Reykjavíkurkjördæmis norður síðan 2016 (Vinstrihreyfingin – grænt framboð).

Varaþingmaður Reykjavíkurkjördæmis norður júní–júlí 2015 (Vinstrihreyfingin – grænt framboð).

Allsherjar- og menntamálanefnd 2017–.

Æviágripi síðast breytt 30. nóvember 2017.