Áslaug Arna Sigurbjörnsdóttir

Áslaug Arna Sigurbjörnsdóttir
  • Kjördæmi: Reykjavíkurkjördæmi norður
  • Þingflokkur: Sjálfstæðisflokkur

Þingseta

Alþingismaður Reykjavíkurkjördæmis norður síðan 2016 (Sjálfstæðisflokkur).

Æviágrip

Fædd í Reykjavík 30. nóvember 1990. Foreldrar: Sigurbjörn Magnússon (fæddur 31. júlí 1959) hæstaréttarlögmaður og Kristín Steinarsdóttir (fædd 1. maí 1959, dáin 12. nóvember 2012) kennari.

Stúdentspróf VÍ 2010. BA-próf í lögfræði HÍ 2015. Nemi í meistaranámi í lögfræði HÍ.

Starfsmaður jafningjafræðslu Hins hússins 2010. Blaðamaður á Morgunblaðinu 2011–2013. Lögreglumaður hjá lögreglunni á Suðurlandi 2014–2015. Varaformaður Æskulýðsráðs 2014–2016. Laganemi á lögmannsstofunni Juris 2016.

Í stjórn SUS, sambands ungra sjálfstæðismanna, frá 2011. Formaður Heimdallar, félags ungra sjálfstæðismanna í Reykjavík, 2011–2013. Funda- og menningarmálastjóri Orators, félag laganema við HÍ, 2015–2016. Ritari Sjálfstæðisflokksins síðan 2015.

Alþingismaður Reykjavíkurkjördæmis norður síðan 2016 (Sjálfstæðisflokkur).

Æviágripi síðast breytt 14. nóvember 2016.