Theodóra S. Þorsteinsdóttir
Þingseta
Alþingismaður Suðvesturkjördæmis 2016–2017 (Björt framtíð).
Formaður þingflokks Bjartrar framtíðar 2017.
Æviágrip
Fædd í Reykjavík 2. september 1969. Foreldrar: Þorsteinn Theodórsson (fæddur 14. apríl 1939) vörubílstjóri og María Guðbjörg Snorradóttir (fædd 21. júlí 1941, dáin 30. október 2011) starfsmaður á hjúkrunarheimili. Maki: Ólafur Agnar Viggósson (fæddur 5. febrúar 1960) verktaki. Foreldrar: Viggó Sigurðsson og Valgerður Ólafsdóttir. Börn: Eydís María (1994), Stefán Bjarki (1998). Stjúpbörn, börn Ólafs: Sveinn Anton (1980), Hlín (1986).
Stúdentspróf VÍ 1998. Atvinnuréttindi A 30brl frá Stýrimannaskólanum. BA í lögfræði frá HR 2012. Stundar framhaldsnám í lögfræði HR.
Starfsmaður Byko 1989–1998, Mjólkursamsölunnar 2000–2001, Smáralindar 2001–2007.
Formaður stjórnar Markaðsstofu Kópavogs 2012–2014. Oddviti Bjartrar framtíðar í Kópavogi síðan 2014. Formaður hafnarstjórnar Kópavogshafnar og formaður bæjarráðs Kópavogs síðan 2014, formaður skipulagsnefndar síðan 2016. Í stjórn Isavia síðan 2015. Í samráðsnefnd um veiðigjöld 2017. Í Þingvallanefnd 2017.
Alþingismaður Suðvesturkjördæmis 2016–2017 (Björt framtíð).
Formaður þingflokks Bjartrar framtíðar 2017.
Fjárlaganefnd 2016–2017, atvinnuveganefnd 2017.
Æviágripi síðast breytt 9. febrúar 2018.
