Þórhildur Sunna Ævarsdóttir

Þórhildur Sunna Ævarsdóttir
  • Kjördæmi: Suðvesturkjördæmi
  • Þingflokkur: Píratar

Þingseta

Alþingismaður Suðvesturkjördæmis síðan 2016 (Píratar).

Æviágrip

Fædd á Akranesi 6. maí 1987. Foreldrar: Ævar Örn Jósepsson (fæddur 25. ágúst 1963) fréttamaður og rithöfundur og Sigrún Guðmundsdóttir (fædd 30. september 1964) umhverfis- og auðlindafræðingur.

Stúdentspróf FB 2007. LL.B-próf (alþjóða- og Evrópulög) frá Háskólanum í Groningen, Hollandi, 2012. LL.M-próf (mannréttindi og alþjóðlegur refsiréttur) frá Háskólanum í Utrecht, Hollandi, 2013.

Starfsnemi hjá Alþjóðlega stríðsglæpadómstólnum fyrir fyrrum Júgóslavíu 2014. Rannsóknarblaðamaður fyrir Kvennablaðið 2014–2016. Fræðiskrif fyrir Snarrótina, samtök um borgaraleg réttindi, 2015–2016. Fræðiskrif fyrir landssamtökin Geðhjálp frá 2016.

Formaður Menningar- og friðarsamtakanna MFÍK 2014–2016. Alþjóðafulltrúi og meðlimur í framkvæmdaráði Pírata 2015–2016. Í úrskurðarnefnd Pírata 2016. Formaður Pírata síðan 2016. Gjaldkeri Jæja lýðræðissamtaka 2016.

Alþingismaður Suðvesturkjördæmis síðan 2016 (Píratar).

Æviágripi síðast breytt 13. desember 2016.