Bergþór Ólason

Bergþór Ólason
  • Embætti: Varaformaður þingflokks
  • Kjördæmi: Norðvesturkjördæmi
  • Þingflokkur: Miðflokkurinn

Þingseta

Alþingismaður Norðvesturkjördæmis síðan 2017 (Miðflokkurinn).

Æviágrip

Fæddur á Akranesi 26. september 1975. Foreldrar: Óli Jón Gunnarsson (fæddur 7.júlí 1949) byggingatæknifræðingur, fyrrverandi bæjarstjóri og framkvæmdastjóri og kona hans Ósk Bergþórsdóttir (fædd 1.september 1948) loftskeytamaður og húsmóðir. Dóttir Bergþórs og Jennifer Flume: Lotta Ósk (2016).

Framkvæmdastjóri Loftorku í Borgarnesi og þar á undan fjármálastjóri félagsins frá 2009–2016. Starfsmaður Kaupþings 2007–2008. Aðstoðarmaður samgönguráðherra 2003–2006. Ýmis ráðgjafastörf 2006–2009 ásamt því að sitja í stjórnum fyrirtækja og stofnana á árunum 2003–2017.

Stjórnarmaður í Sambandi ungra Sjálfstæðismanna 1999–2005. Ritstjóri Framtaks 2006–2010. Formaður stjórnar byggðasafnsins að Görðum 2006–2010. Í skólanefnd Fjölbrautaskóla Vesturlands á Akranesi 2003–2007.

Alþingismaður Norðvesturkjördæmis síðan 2017 (Miðflokkurinn).

Umhverfis- og samgöngunefnd 2017– (formaður 2017–).

Íslandsdeild Evrópuráðsþingsins 2017–.

Æviágripi síðast breytt 17. janúar 2018.