Halldór Kr. Friðriksson
Þingseta
Alþingismaður Reykvíkinga 1855–1864 (varaþingmaður 1855 og 1857), 1869–1885 og 1892–1893, konungkjörinn alþingismaður 1865–1867.
Varaforseti sameinaðs þings 1877 og 1885.
Æviágrip
Fæddur á Stað í Grunnavík 19. eða 27. nóvember 1819, dáinn 23. mars 1902. Foreldrar: Friðrik Kristján Eyjólfsson (fæddur 23. september 1795, dáinn 5. júní 1829) síðar bóndi í Arnardal í Ísafjarðarsýslu og kona hans Sigríður Ólafsdóttir (fædd 21. maí 1799, dáin 5. febrúar 1889) húsmóðir. Tengdafaðir Kristins Daníelssonar alþingismanns. Maki (13. nóvember 1849) Charlotte Caroline Leopoldine, fædd Degen (fædd 26. maí 1826, dáin 3. júní 1911) húsmóðir. Faðir: Moritz Degen. Börn: Pétur Emil Júlíus (1850), Sigríður (1852), Moritz Hans Edvard (1854), Anna María Leopoldine (1856), Ida Halldóra Júlía (1858), Thora Frederikke (1861), Thora Frederikke (1866).
Stúdentspróf Bessastöðum 1842. Las guðfræði í Hafnarháskóla en tók ekki próf.
Vann að orðabók Cleasbys, stundaði íslensku og kenndi. Kennari við Lærða skólann í Reykjavík 1848–1895, yfirkennari frá 1874.
Bæjarfulltrúi í Reykjavík 1854–1861, 1873–1879 og 1880–1900. Formaður stifts-, síðar landsbókasafnsnefndarinnar 1874–1899. Forseti Húss- og bústjórnarfélags suðuramtsins (Búnaðarfélags Íslands) 1868–1896. Skipaður 1875 í nefnd til þess að semja uppástungur um lög um ýmsar tekjur landssjóðs.
Alþingismaður Reykvíkinga 1855–1864 (varaþingmaður 1855 og 1857), 1869–1885 og 1892–1893, konungkjörinn alþingismaður 1865–1867.
Varaforseti sameinaðs þings 1877 og 1885.
Samdi kennslubækur, þar á meðal stafrófskver, réttritunarreglur, íslenska málmyndalýsingu, danska málfræði.
Ritstjóri: Fjölnir (1846–1847). Undirbúningsblað undir þjóðfundinn að sumri 1851 (1850–1851). Hirðir (1857–1861).
Æviágripi síðast breytt 4. september 2015.
