Haraldur Ólafsson

Haraldur Ólafsson

Þingseta

Alþingismaður Reykvíkinga 1984–1987 (Framsóknarflokkur).

Varaþingmaður Reykvíkinga maí, nóvember, desember 1980, febrúar–mars, maí, október–nóvember, nóvember–desember 1981, febrúar–mars, apríl–maí, október–nóvember, desember 1982, nóvember–desember 1983 og apríl–maí 1984.

Æviágrip

Fæddur í Stykkishólmi 14. júlí 1930. Foreldrar: Ólafur A. Kristjánsson (fæddur 25. júlí 1904, dáinn 16. janúar 1986) verkamaður þar og kona hans Sigurborg Oddsdóttir (fædd 5. júlí 1908, dáin 18. maí 1995) húsmóðir. Maki (11. júlí 1964): Hólmfríður Gunnarsdóttir (fædd 2. maí 1939) hjúkrunarfræðingur. Foreldrar: Gunnar Árnason, sonur Árna Jónssonar alþingismanns á Skútustöðum, og kona hans Sigríður Stefánsdóttir, föðursystir Ólafs Björnssonar alþingismanns. Börn: Sigríður Ólína (1965), Gunnar Ólafur (1968). Sonur Haralds og Kristrúnar Ólafsdóttur: Ólafur Grétar (1965).

Stúdentspróf MR 1952. Nam guðfræði í Háskóla Íslands 1952–1953 og 1954–1955, heimspeki í Strasbourg-háskóla 1953–1954, þjóðfræði og mannfræði í Parísarháskóla 1956–1957 og í Stokkhólmsháskóla 1961–1966, lauk fil. lic.-prófi í mannfræði þar 1966.

Blaðamaður við Alþýðublaðið 1958–1961 og Tímann sumarið 1963. Dagskrárstjóri við Ríkisútvarpið 1966–1972. Lektor við Háskóla Íslands 1973–1978, dósent síðan 1979.

Í jafnlaunaráði 1973–1976. Í Þjóðleikhúsráði síðan 1978, formaður 1980– 1983. Í öryggismálanefnd 1980–1991. Í stjórn Grænlandssjóðs síðan 1981. Í Norðurlandaráði 1986–1987. Formaður Norræna félagsins síðan 1991. Í bankaráði Seðlabankans 1985–1987. Formaður Félags háskólakennara um skeið og fulltrúi félagsins í háskólaráði 1982–1984. Í stjórn Samastofnunar Norðurlanda síðan 1973. Fulltrúi Íslands á fundi þingmannanefndar EFTA 1985.

Alþingismaður Reykvíkinga 1984–1987 (Framsóknarflokkur).

Varaþingmaður Reykvíkinga maí, nóvember, desember 1980, febrúar–mars, maí, október–nóvember, nóvember–desember 1981, febrúar–mars, apríl–maí, október–nóvember, desember 1982, nóvember–desember 1983 og apríl–maí 1984.

Birst hefur eftir hann fjöldi rita og greina um mannfræði, stjórnmál og menningarmál. Hann samdi leikritið Inúk, sýnt í Þjóðleikhúsinu og erlendis, og hann hefur verið í ritnefnd Íslenskrar þjóðmenningar.

Æviágripi síðast breytt 8. september 2015.