Ingólfur Jónsson
Þingseta
Landskjörinn alþingismaður (Rangæinga) 1942. Alþingismaður Rangæinga 1942–1959, alþingismaður Suðurlands 1959–1978 (Sjálfstæðisflokkur).
Viðskipta- og iðnaðarmálaráðherra 1953–1956, landbúnaðar- og samgöngumálaráðherra 1959–1971.
2. varaforseti sameinaðs þings 1949–1950.
Æviágrip
Fæddur í Bjóluhjáleigu í Holtum 15. maí 1909, dáinn 18. júlí 1984. Foreldrar: Jón Jónsson (fæddur 5. ágúst 1867, dáinn 5. september 1953) bóndi þar og kona hans Anna Guðmundsdóttir (fædd 18. nóvember 1876, dáin 27. maí 1962) húsmóðir. Bróðir Ragnars Jónssonar alþingismanns. Maki (14. nóvember 1935) Eva Jónsdóttir (fædd 15. desember 1911, dáin 13. febrúar 1992) húsmóðir. Foreldrar: Jón Jónsson og kona hans Guðlaug Ólafsdóttir, systir Gunnars alþingismanns og Jóns alþingismanns Ólafssona. Börn: Guðlaug (1936), Jón Örn (1944).
Nám í Hvítárbakkaskóla 1927–1929.
Stundaði ýmis störf, m. a. búnaðarstörf í Noregi um skeið og sjómennsku tvær vertíðir í Vestmannaeyjum. Barnakennari tvo vetur. Framkvæmdastjóri Kaupfélagsins Þórs á Hellu á Rangárvöllum 1935–1953 og 1956–1959. Skipaður 11. september 1953 viðskipta- og iðnaðarmálaráðherra, lausn 27. mars 1956, en gegndi störfum til 24. júní. Skipaður 20. nóvember 1959 landbúnaðar- og samgöngumálaráðherra, lausn 15. júní 1971, en gegndi störfum til 14. júlí.
Skipaður 1942 í kjötverðlagsnefnd, formaður hennar. Kosinn 1942 í raforkumálanefnd. Í stjórn landshafnar í Keflavík og Njarðvíkum 1946–1949. Í raforkuráði, síðar orkuráði 1946–1978 og í landsbankanefnd 1956–1957. Í stjórn Hafskips frá stofnun 1958–1962. Í stjórn Kaupfélagsins Þórs á Hellu frá 1960, stjórnarformaður frá 1974 til æviloka. Í viðræðunefnd um orkufrekan iðnað 1971–1978. Stjórnarformaður Framkvæmdastofnunar ríkisins 1975–1978. Í stjórnarskrárnefnd 1972–1976. Kosinn 1973 í neyðarráðstafananefnd vegna eldgossins á Heimaey.
Landskjörinn alþingismaður (Rangæinga) 1942. Alþingismaður Rangæinga 1942–1959, alþingismaður Suðurlands 1959–1978 (Sjálfstæðisflokkur).
Viðskipta- og iðnaðarmálaráðherra 1953–1956, landbúnaðar- og samgöngumálaráðherra 1959–1971.
2. varaforseti sameinaðs þings 1949–1950.
Ritstjóri: Suðurland (1972–1979).
Æviágripi síðast breytt 20. nóvember 2019.
