Jón Pétursson

Jón Pétursson

Þingseta

Alþingismaður Strandamanna 1855 (varaþingmaður), konungkjörinn alþingismaður 1859–1887. Kosinn alþingismaður Reykvíkinga 1855. Árið 1857 var hann ekki viðurkenndur alþingismaður Reykvíkinga vegna setu á þingi 1855 sem varaþingmaður Strandamanna.

Varaforseti efri deildar 1886.

    Þingstörf

    Æviágrip

    Fæddur á Víðivöllum í Blönduhlíð 16. janúar 1812, dáinn 16. janúar 1896. Foreldrar: Pétur Pétursson (fæddur 1. nóvember 1754, dáinn 29. júlí 1842) prófastur þar og 2. kona hans Þóra Brynjólfsdóttir (fædd 1766, dáin 8. september 1843) húsmóðir. Bróðir Péturs Péturssonar biskups og alþingismanns. Afi Páls Zóphóníassonar alþingismanns. Tengdafaðir Hannesar Þorsteinssonar alþingismanns og Jóns Magnússonar alþingismanns og ráðherra. Maki 1 (15. júlí 1848): Jóhanna Sofía Bogadóttir (fædd 7. febrúar 1823, dáin 21. maí 1855) húsmóðir. Foreldrar: Bogi Benediktsson og kona hans Jarþrúður Jónsdóttir. Systir Brynjólfs Benedictsens þjóðfundarmanns og Sigríðar konu Péturs Péturssonar biskups og alþingismanns. Maki 2 (5. júní 1856): Sigþrúður Friðriksdóttir Eggerz (fædd 19. mars 1830, dáin 17. okt. 1912) húsmóðir. Foreldrar: Friðrik Eggertsson Eggerz og kona hans Arndís Pétursdóttir. Börn Jóns og Jóhönnu: Pétur (1850), Brynjólfur (1850), Jarþrúður (1851), Jóhanna Sophia (1855). Börn Jóns og Sigþrúðar: Arndís (1857), Þóra (1858), Friðrik (1860), Sturla (1861), Elínborg (1863), Sigríður (1867).

    Stúdentspróf Bessastöðum 1834. Lögfræðipróf Hafnarháskóla 1841.

    Var um tíma ólaunaður starfsmaður í Rentukammerinu. Heimiliskennari veturinn 1842–1843 hjá Birni Blöndal alþingismanni. Gegndi sýslumannsstörfum í Eyjafjarðarsýslu 1843–1844. Skipaður 1844 sýslumaður í Strandasýslu. Sat fyrst á Melum, en fluttist 1846 að Prestsbakka. Skipaður 1847 sýslumaður í Borgarfjarðarsýslu, 1848 sýslumaður í Mýra- og Hnappadalssýslum, en gegndi jafnframt Borgarfjarðarsýslu til 1849. Fluttist vorið 1849 að Norðtungu, bjó þar til 1850, er hann fluttist að Hamri í Þverárhlíð, fór þaðan til Reykjavíkur þá um sumarið. Skipaður 1850 2. yfirdómari og dómsmálaritari í landsyfirdómi, 1856 1. yfirdómari, 1877 háyfirdómari, lausn 16. apríl 1889. Settur amtmaður í vesturamtinu 1847–1848 í fjarveru Bjarna amtmanns Thorsteinsonar. Settur bæjarfógeti í Reykjavík frá hausti 1851 til sumars 1852. Settur landshöfðingi 1886. Kennari í kirkjurétti við Prestaskólann 1853–1889. Gæslustjóri Landsbankans frá stofnun hans 1885 til 1890.

    Kosinn 1855 í milliþinganefnd til að endurskoða jarðamatið, 1857 í milliþinganefnd til að semja frumvarp til vinnuhjúalaga. Í bæjarstjórn Reykjavíkur 1856–1861, 1863–1865 og 1868–1874. Skipaður 1870 í nefnd til að semja landbúnaðarlög fyrir Ísland.

    Alþingismaður Strandamanna 1855 (varaþingmaður), konungkjörinn alþingismaður 1859–1887. Kosinn alþingismaður Reykvíkinga 1855. Árið 1857 var hann ekki viðurkenndur alþingismaður Reykvíkinga vegna setu á þingi 1855 sem varaþingmaður Strandamanna.

    Varaforseti efri deildar 1886.

    Ritstjóri: Skírnir (1842). Íslendingur (1860–1865). Tímarit gefið út af Jóni Péturssyni (1869–1873).

    Æviágripi síðast breytt 5. febrúar 2016.