Ásgeir Ásgeirsson

Ásgeir Ásgeirsson

Þingseta

Alþingismaður Vestur-Ísfirðinga 1923–1934 (Framsóknarflokkur), 1934–1937 (utan flokka), 1937–1952 (Alþýðurflokkur).

Fjármálaráðherra 1931–1932, forsætis- og fjármálaráðherra 1932–1934.

Forseti sameinaðs þings 1930–1931. Varaforseti sameinaðs þings 1928–1929.

Minningarorð

Æviágrip

Fæddur í Kóranesi á Mýrum 13. maí 1894, dáinn 15. september 1972. Foreldrar: Ásgeir Eyþórsson (fæddur 3. júlí 1869, dáinn 20. janúar 1942) kaupmaður þar, síðar bókhaldari í Reykjavík og kona hans Jensína Björg Matthíasdóttir (fædd 1. október 1864, dáin 25. október 1928) húsmóðir. Tengdafaðir Gunnars Thoroddsens alþingismanns og ráðherra. Maki (3. október 1917): Dóra Þórhallsdóttir (fædd 23. febrúar 1893, dáin 10. september 1964), systir Tryggva Þórhallssonar alþingismanns og ráðherra. Foreldrar: Þórhallur Bjarnarson alþingismaður og kona hans Valgerður Jónsdóttir, fósturdóttir Tryggva Gunnarssonar alþingismanns. Börn: Þórhallur (1919), Vala (1921), Björg (1925).

Stúdentspróf MR 1912. Guðfræðipróf HÍ 1915. Framhaldsnám við háskólana í Kaupmannahöfn og Uppsölum 1916–1917. Heiðursdoktor við Manitobaháskóla 18. september 1961 og við Edinborgarháskóla 18. febrúar 1967.

Kenndi sund í Vestmannaeyjum sumurin 1914 og 1915. Biskupsritari 1915–1916. Bankaritari við Landsbankann í Reykjavík 1917–1918. Kennari við Kennaraskólann 1918–1927. Fræðslumálastjóri 1926–1931 og 1934–1938. Skipaður 20. ágúst 1931 fjármálaráðherra, lausn 28. maí 1932, en gegndi störfum til 3. júní. Skipaður þann dag forsætis- og fjármálaráðherra, lausn 16. nóvember l933, en gegndi störfum til 28. júlí 1934. Bankastjóri Útvegsbankans í Reykjavík 1938–1952. Kjörinn forseti Íslands 29. júní 1952 og tók við embætti 1. ágúst, endurkjörinn án atkvæðagreiðslu 1956, 1960 og 1964 og gegndi forsetaembætti til 1. ágúst 1968, sat á Bessastöðum.

Kosinn 1925 í bankamálanefnd og 1937 í milliþinganefnd í bankamálum. Í stjórn Þingmannasambands Norðurlanda um langt skeið, formaður þess 1930. Í alþingishátíðarnefnd 1926–1930 og í gengisnefnd (formaður) 1927–1935. Skipaður 1937 formaður stúdentagarðsnefndar (til 1952). Í gjaldeyriskaupanefnd 1941–1944. Skipaður 1941 í viðskiptanefnd við Bandaríkin, 1942 í samninganefnd utanríkisviðskipta, 1945 og að nýju 1948 í viðskiptanefnd við Bretland. Í lýðveldishátíðarnefnd 1943–1944. Skipaður 1945 í Hrafnseyrarnefnd, formaður, og átti sæti í henni til æviloka. Fulltrúi í sendinefnd Íslands á fjármálaráðstefnu Sameinuðu þjóðanna í Bretton Woods 1944. Fulltrúi Íslands í stjórn Alþjóðagjaldeyrissjóðsins 1946–1952. Sat á allsherjarþingi Sameinuðu þjóðanna 1947 og 1948.

Alþingismaður Vestur-Ísfirðinga 1923–1934 (Framsóknarflokkur), 1934–1937 (utan flokka), 1937–1952 (Alþýðurflokkur).

Fjármálaráðherra 1931–1932, forsætis- og fjármálaráðherra 1932–1934.

Forseti sameinaðs þings 1930–1931. Varaforseti sameinaðs þings 1928–1929.

Ævisaga: Gylfi Gröndal: Ásgeir Ásgeirsson (1992).

Ritstjóri: Unga Ísland (1921–1925). Skólablaðið. Mánaðarrit um uppeldi og menntamál (1921–1922). Menntamál. Mánaðarrit um uppeldis- og fræðslumál (1924–1931). Vaka (1927–1929).

Æviágripi síðast breytt 4. apríl 2016.