Sigurjón Friðjónsson

Sigurjón Friðjónsson

Þingseta

Landskjörinn alþingismaður 1918– 1922 (varaþingmaður, Heimastjórnarflokkurinn, tók sæti Hannesar Hafsteins í veikindum hans).

Minningarorð

Æviágrip

Fæddur á Sílalæk í Aðaldal 22. september 1867, dáinn 26. maí 1950. Foreldrar: Friðjón Jónsson (fæddur 1. nóvember 1838, dáinn 29. júlí 1917) bóndi þar og síðar á Sandi og kona hans Sigurbjörg Guðmundsdóttir (fædd 26. ágúst 1840, dáin 22. mars 1874) húsmóðir. Hálfbróðir Erlings Friðjónssonar alþingismanns og faðir Arnórs varaþingmanns og Braga alþingismanns og ráðherra, afi Inga Tryggvasonar alþingismanns og Kristínar Halldórsdóttur alþingismanns. Maki (6. júní 1892): Kristín Jónsdóttir (fædd 22. október 1867, dáin 27. október 1928) húsmóðir. Foreldrar: Jón Ólafsson og kona hans Halldóra Ásmundsdóttir. Börn: Arnór (1893), Unnur (1896), Áskell (1898), Dagur (1900), Fríður (1902), Sigurbjörg (1904), Halldóra (1905), Ingunn (1906), Ásrún (1908), Bragi (1910).

Búfræðipróf Eiðum 1887.

Vann á búi föður síns 1887–1892. Bóndi á Sandi í Aðaldal 1892–1906, á Einarsstöðum í Reykjadal 1906–1913, á Litlu-Laugum 1913–1942 og var þar til æviloka.

Lengi oddviti Reykdælahrepps.

Landskjörinn alþingismaður 1918– 1922 (varaþingmaður, Heimastjórnarflokkurinn, tók sæti Hannesar Hafsteins í veikindum hans).

Samdi sögur, orti og þýddi ljóð, skrifaði greinar um bókmenntir, félagsmál og stjórnmál.

Æviágripi síðast breytt 22. mars 2016.