Stefán Stefánsson

Stefán Stefánsson

Þingseta

Alþingismaður Skagfirðinga 1900–1908, konungkjörinn alþingismaður 1908–1915 (Framfaraflokkurinn, Framsóknarflokkurinn eldri, Þjóðræðisflokkurinn, Sjálfstæðisflokkurinn eldri, utan flokka, Sambandsflokkurinn, Heimastjórnarflokkurinn).

Forseti efri deildar 1913–1915. 1. varaforseti efri deildar 1911–1912.

Æviágrip

Fæddur á Heiði í Gönguskörðum 1. ágúst 1863, dáinn 20. janúar 1921. Foreldrar: Stefán Stefánsson (fæddur 13. ágúst 1828, dáinn 10. maí 1910) bóndi þar og kona hans Guðrún Sigurðardóttir (fædd 2. september 1831, dáin 20. febrúar 1903) húsmóðir. Bróðir Sigurðar Stefánssonar alþingismanns. Maki (17. september 1888): Steinunn Frímannsdóttir (fædd 12. maí 1863, dáin 10. júlí 1947) húsmóðir. Foreldrar: Frímann Ólafsson og kona hans Jórunn Magnúsdóttir. Börn: Valtýr (1893), Hulda Árdís (1897).

Stúdentspróf Lsk. 1884. Nám í náttúrufræði við Hafnarháskóla með grasafræði sem sérgrein, lauk ekki prófi.

Kennari við Gagnfræðaskólann á Möðruvöllum, síðar á Akureyri 1887–1908, skólameistari frá 1908 til æviloka. Átti heima í Stórubrekku 1889–1891. Bóndi á Möðruvöllum 1891–1910, en fluttist með skólanum til Akureyrar 1902.

Oddviti Arnarneshrepps um skeið. Í amtsráði 1894–1905, er amtsráðin voru lögð niður. Ferðaðist um landið til jurtarannsókna með styrk úr landssjóði flest sumur á árunum 1883–1900. Frumkvöðull að stofnun Náttúrufræðifélags Íslands 1889 og að stofnun Náttúrugripasafnsins. Átti sæti í millilandanefndinni 1907. Í bankaráði Íslandsbanka 1913–1919.

Alþingismaður Skagfirðinga 1900–1908, konungkjörinn alþingismaður 1908–1915 (Framfaraflokkurinn, Framsóknarflokkurinn eldri, Þjóðræðisflokkurinn, Sjálfstæðisflokkurinn eldri, utan flokka, Sambandsflokkurinn, Heimastjórnarflokkurinn).

Forseti efri deildar 1913–1915. 1. varaforseti efri deildar 1911–1912.

Samdi rit og greinar um grasafræði, skólamál og sjálfstæðismál Íslands.

Æviágripi síðast breytt 29. mars 2016.