Theodór Jónassen

Theodór Jónassen

Þingseta

Konungkjörinn alþingismaður 1887–1891.

Varaforseti sameinaðs þings 1891.

    Þingstörf

    Æviágrip

    Fæddur í Reykjavík 9. ágúst 1838, dáinn 29. september 1891. Foreldrar: Þórður Jónasson (fæddur 26. febrúar 1800, dáinn 25. ágúst 1880) alþingismaður og kona hans Dorothea Sophia Rasmusdóttir, fædd Lynge (fædd 4. júlí 1808, dáin 26. janúar 1890) húsmóðir. Bróðir Jónasar Jónassens alþingismanns. Maki 1 (27. september 1871): Elín Magnúsdóttir Jónassen, fædd Stephensen (fædd 27. september 1839, dáin 5. apríl 1878) húsmóðir. Foreldrar: Magnús Stephensen þjóðfundarmaður og kona hans Margrét Þórðardóttir Stephensen. Maki 2 (26. október 1881): Caroline Jónassen, fædd Siemsen (fædd 31. júlí 1850, dáin 22. apríl 1942) húsmóðir. Foreldrar: Georg Nicolai Edvard Siemsen og kona hans Sigríður Þorsteinsdóttir. Dóttir Theodórs og Elínar: Margrét (1877).

    Stúdentspróf Lsk. 1858. Lögfræðipróf Hafnarháskóla 1867.

    Starfaði í skrifstofu land- og bæjarfógeta 1867–1868. Settur 1868 sýslumaður í Borgarfjarðarsýslu, 1869 jafnframt sýslumaður í Mýra- og Hnappadalssýslu. Skipaður 1871 sýslumaður í Mýrasýslu eftir að þessar sýslur voru aðskildar, veitt Mýra- og Borgarfjarðarsýsla 1871 eftir að þær voru sameinaðar, sat í Hjarðarholti í Stafholtstungum. Skipaður 1878 bæjarfógeti í Reykjavík. Skipaður 1886 amtmaður í suður- og vesturamtinu og gegndi því embætti til æviloka. Gæslustjóri við Söfnunarsjóð Íslands um skeið.

    Bæjarfulltrúi í Reykjavík 1886–1891.

    Konungkjörinn alþingismaður 1887–1891.

    Varaforseti sameinaðs þings 1891.

    Æviágripi síðast breytt 30. mars 2016.