Sigríður Ingvarsdóttir

Sigríður Ingvarsdóttir

Þingseta

Alþingismaður Norðurlands vestra 2001–2003 (Sjálfstæðisflokkur).

Varaþingmaður Norðurlands vestra febrúar–mars 2000 og Norðvesturkjördæmis maí 2004 (Sjálfstæðisflokkur).

Æviágrip

Fædd á Húsavík 15. maí 1965. Foreldrar: Ingvar Hólmgeirsson (fæddur 15. júní 1936) útgerðarmaður og kona hans Björg Gunnarsdóttir (fædd 11. janúar 1939, dáin 13. júlí 2000). Maki 1 (4. júlí 1992): Hermann Einarsson (fæddur 10. mars 1963) sölumaður. Þau skildu. Foreldrar: Einar Hermannsson og kona hans Margrét Jónasdóttir. Maki 2 (21. febrúar 2004): Daníel Gunnarsson (fæddur 7. júní 1955) lyfjafræðingur. Foreldrar: Gunnar Júlíusson og kona hans Anna Daníelsdóttir. Dætur Sigríðar og Hermanns: Marta Björg (1988), Halldóra (1996).

Stúdentspróf MA 1985. Skipstjórnarréttindi á 30 tonna skip. Stundaði fjarnám við KÍ 1994–1996 og 1998–1999. Í MBA-námi á viðskipta- og hagfræðibraut HÍ.

Sjómaður með námi til 1985. Starfsmaður Hafrannsóknastofnunar 1985–1986 og gestamóttöku Hótels Sögu 1985–1990. Kennari við Grunnskóla Siglufjarðar á árunum 1990–1999. Formaður Kennarafélags Siglufjarðar 1991–1996. Starfaði við umboðs- og verslunarfyrirtæki sitt 1992–1999. Fréttaritari Morgunblaðsins 1992–1999. Kynningarfulltrúi Olíuverslunar Íslands 1999–2001. Verkefnastjóri hjá Impru, Nýsköpunarmiðstöð á Iðntæknistofnun síðan 2003.

Í bæjarstjórn Siglufjarðar 1998–2000.

Alþingismaður Norðurlands vestra 2001–2003 (Sjálfstæðisflokkur).

Varaþingmaður Norðurlands vestra febrúar–mars 2000 og Norðvesturkjördæmis maí 2004 (Sjálfstæðisflokkur).

Landbúnaðarnefnd 2001–2003, menntamálanefnd 2001–2003, samgöngunefnd 2001–2003.

Æviágripi síðast breytt 2. febrúar 2015.