Birgitta Jónsdóttir

Birgitta Jónsdóttir
  • Kjördæmi: Suðvesturkjördæmi
  • Þingflokkur: Píratar
  • 692-8884

Þingseta

Alþingismaður Reykjavíkurkjördæmis suður 2009–2013 (Borgarahreyfingin, Hreyfingin), alþingismaður Suðvesturkjördæmis síðan 2013 (Píratar).

Formaður þingflokks Borgarahreyfingarinnar, síðar Hreyfingarinnar, 2009–2010. Formaður þingflokks Hreyfingarinnar 2013. Formaður þingflokks Pírata 2013–2014.

Æviágrip

Fædd í Reykjavík 17. apríl 1967. Foreldrar: Jón Ólafsson (fæddur 8. júlí 1940, dáinn 24. desember 1987) skipstjóri og útgerðarmaður og Bergþóra Árnadóttir (fædd 15. febrúar 1948, dáin 8. mars 2007) söngvaskáld. Maki: Charles Egill Hirt (fæddur 12. mars 1964, dáinn 1. júní 1993) ljósmyndari og útgefandi. Sonur: Neptúnus (1991). Dóttir Birgittu og Jóns Helga Þórarinssonar: Guðborg Gná (1994). Sonur Birgittu og Daniels Johnsons: Delphin Hugi (2000).

Grunnskólapróf Núpi 1983. Sjálfmenntuð í vefhönnun og vefþróun, grafískri hönnun og umbroti.

Fjöllistakona, rithöfundur, ljóðskáld, þýðandi og myndlistarmaður. Hefur meðfram því starfað sem grafískur hönnuður og blaðamaður og sem pistlahöfundur hjá íslenskum jafnt sem erlendum tímaritum og nettímaritum. Hefur haldið fjölda málverkasýninga og gefið út yfir 20 frumsamdar ljóðabækur á ensku og íslensku frá 1989. Frumkvöðull í vinnslu ljóða og lista á internetinu og í skapandi útfærslu í netheimum í árdaga þess.

Talsmaður Saving Iceland 2005. Formaður Vina Tíbets frá 2008. Sjálfboðaliði fyrir WikiLeaks 2010, í stjórn Minningarsjóðs Bergþóru Árnadóttur frá 2008. Stofnfélagi e-poets, ráð (council) PNND 2011, starfsstjórn INPaT 2009, stjórnarformaður IMMI frá 2011. Formaður Hreyfingarinnar 2011–2012. Formaður Pírata síðan 2014.

Alþingismaður Reykjavíkurkjördæmis suður 2009–2013 (Borgarahreyfingin, Hreyfingin), alþingismaður Suðvesturkjördæmis síðan 2013 (Píratar).

Formaður þingflokks Borgarahreyfingarinnar, síðar Hreyfingarinnar, 2009–2010. Formaður þingflokks Hreyfingarinnar 2013. Formaður þingflokks Pírata 2013–2014.

Umhverfisnefnd 2009–2011, utanríkismálanefnd 2009–2011, þingmannanefnd til að fjalla um skýrslu rannsóknarnefndar Alþingis 2009–2010, þingskapanefnd 2011–2013, allsherjar- og menntamálanefnd 2011–2013, stjórnskipunar- og eftirlitsnefnd 2013–, umhverfis- og samgöngunefnd 2013.

Íslandsdeild NATO-þingsins 2009–2013, Íslandsdeild Alþjóðaþingmannasambandsins 2013–.

Æviágripi síðast breytt 16. febrúar 2015.