131. löggjafarþing — 6. fundur,  11. okt. 2004.

Norsk-íslenski síldarstofninn.

[15:22]

sjávarútvegsráðherra (Árni M. Mathiesen) (S):

Herra forseti. Það er ánægjulegt að heyra hversu mikinn áhuga hv. þm. hefur á málinu. Þess vegna tel ég rétt að endurtaka það sem ég sagði áðan að ég sé ekkert því til fyrirstöðu að hægt verði að framkvæma þær rannsóknir sem við, þ.e. sjávarútvegsráðuneytið í samráði við Hafrannsóknastofnunina, hagsmunaaðila og aðra þá sem að málinu koma teljum nauðsynlegar.