Símenntun.
Margrét Frímannsdóttir (Sf):
Virðulegi forseti. Ég þakka hæstv. ráðherra fyrir svörin sem hún gaf. Þannig er að í flestum landsfjórðungum hafa verið starfandi símenntunarmiðstöðvar sem ekki eru þar vegna frumkvæðis hæstv. menntamálaráðherra eða menntamálaráðuneytis heldur voru þær teknar upp í störfum fjárlaganefndar og fjárveiting til þeirra hefur verið tryggð í fjárlögum hvers árs, þó aðeins vegna þess að það hefur verið vilji Alþingis að efla símenntun.
Ég spyr hæstv. ráðherra: Hafa verið gerðir samningar við símenntunarmiðstöðvarnar? Eru þeir væntanlegir? Í hverju felast þeir, þannig að framtíð símenntunarmiðstöðvanna sé tryggð?