131. löggjafarþing — 49. fundur, 4. des. 2004.
Fjárlög 2005.
1. mál
[11:35]
Valdimar L. Friðriksson (Sf):
Virðulegi forseti. Þessi breytingartillaga minni hlutans snýst einfaldlega um það að tryggja Mannréttindaskrifstofu Íslands áfram fasta fjárveitingu, fasta fjárveitingu til að tryggja sjálfstæði skrifstofunnar. Sjálfstæður rekstur skrifstofunnar tryggir að í landinu starfi óháður greiningar- og eftirlitsaðili á sviði mannréttinda. Það gengur ekki upp að Mannréttindaskrifstofan sé háð duttlungum einstakra ráðherra. Þingmaðurinn segir já.
