Tekjuskattur og eignarskattur.
Bjarni Benediktsson (S) (andsvar):
Virðulegi forseti. Þær tölur sem ég rakti hef ég haft úr vefriti fjármálaráðuneytisins frá 2. desember. Þar segir að tekjuskattshlutfallið verði árið 2007 3,5% fyrir þann sem hefur 100 þús. kr. í mánaðarlaun, eftir að ákvæði þess frumvarps sem hér að er verið að ræða hafa tekið gildi. (Gripið fram í: Árið 2010?) Árið 2007.
Í tengslum við umræðuna um gjaldahækkanir ætla ég að ítreka það sem ég hef áður sagt. Með því að færa opinberar álögur á vörur og þjónustu í humátt á eftir verðlaginu ætlar ríkið að taka til sín viðlíka hlutfall af verðmæti vöru eða þjónustu og gilt hefur hingað til. Þau gjöld eru færð til samræmis við verðlagsþróun.