131. löggjafarþing — 79. fundur, 23. feb. 2005.
Sala eignarhluta Landsbanka Íslands í Vátryggingafélagi Íslands.
509. mál
[14:20]
Fyrirspyrjandi (Sigurjón Þórðarson) (Fl):
Herra forseti. Ég þakka fyrir þessar upplýsingar og vek athygli á því að nú í haust var 12,7% hlutur seldur á 3,4 milljarða. Samkvæmt svari hæstv. ráðherra hefur virði hlutar VÍS nærri tvöfaldast á tveimur árum. Ég tel þessar tölur sýna að velunnarar Framsóknarflokksins hafi gert ágætiskaup í hlut Landsbankans í VÍS.
