132. löggjafarþing — 10. fundur, 18. okt. 2005.
Úrvinnslugjald.
179. mál
Frú forseti. Ég tel ekki neina þörf á að spinna þennan þráð neitt lengra. Ég fagna því eingöngu að hæstv. umhverfisráðherra skuli segja það hér í ræðustóli að hún telji sjálfsagt að frjáls félagasamtök á sviði umhverfismála komi að ákvarðanatöku í samfélaginu. Það skiptir langmestu máli en ekki hvort þau koma akkúrat að samningu þessa máls. Ég tel mikilvægt að við hæstv. umhverfisráðherra séum sammála í þessu prinsippatriði sem þetta mál snýst um.