132. löggjafarþing — 16. fundur, 7. nóv. 2005.
Þjónusta barna- og unglingageðlækna.
Virðulegi forseti. Ég endurtek það sem ég hef sagt um þetta mál, við höfum verið í sambandi við forustu barnageðlækna um það, fylgjumst grannt með því og það er ljóst að þróunin hefur orðið á annan veg þetta ár en hið síðasta. Við gerum okkur alveg fullkomlega grein fyrir því þannig að ég á von á því að þessi mál leysist farsællega.