Fjárlög 2006.

Hæstv. forseti. Ég get fullvissað hv. þingmann um að ég þori. En ég vil hins vegar gera honum grein fyrir því að hann gleymir einhverju mikilvægasta hlutverki Rafmagnsveitna ríkisins sem er dreifing á raforku.

Það er hins vegar þannig að um áramótin er tekið upp fullt frelsi í viðskiptum með rafmagn og þá verðum við að koma Rarik í það rekstrarumhverfi að Rarik geti keppt. Ég hef greint frá því að ég mun leggja fram frumvarp um hlutafélagavæðingu Rariks. En til þess að við séum í stakk búin til að takast á við nýja tíma um áramót þá er þetta ákvæði í fjárlagafrumvarpinu mjög mikilvægt. (Gripið fram í: Hvað hækkar rafmagnið mikið með þessu?)