Ríkisútvarpið hf.
Herra forseti. Það er tvennt. Ég hef óskað eftir því að frumvarp sem liggur fyrir á þskj. 54 yrði rætt samhliða þessu máli. Það fjallar um að hlutafélagavæða Ríkisútvarpið og að selja það. Það var ekki orðið við þeirri beiðni þannig að það frumvarp liggur enn órætt.
Í öðru lagi vil ég gera þá tillögu að hv. menntamálanefnd sem fær þetta mál til umsagnar vísi því til hv. efnahags- og viðskiptanefndar þar sem um er að ræða skattamál. Við erum að leggja skatta á 20 þúsund fyrirtæki sem ekki hafa greitt skatta hingað til í þessu formi og ég held að það sé rétt að hv. efnahags- og viðskiptanefnd fjalli um það.
Að öðru leyti greiði ég því atkvæði að þessu verði vísað til 2. umr.