Aukatekjur ríkissjóðs.

Frú forseti. Það kom fram í máli hæstv. fjármálaráðherra að ekki er búið að skoða hvaða raunverulegur kostnaður liggur þarna að baki og það þykir mér mjög miður. Ég vil minna á að Sjálfstæðisflokkurinn í minni hluta í borgarstjórn hefur ekki verið óduglegur við að gagnrýna Reykjavíkurlistann fyrir ýmiss konar gjöld og er alltaf að saka vinstri menn um að verið sé að leggja á einhverja skatta sem ekkert sé á bak við. Er hér ekki um stóraukna skattheimtu á þeim sem síst skyldi að ræða, frú forseti?