132. löggjafarþing — 71. fundur, 21. feb. 2006.
Mörg umræðuefni í athugasemdum um störf þingsins.
Forseti vill af þessu tilefni lesa upp úr þeirri grein þingskapa sem menn hafa rætt um undir heitinu Athugasemdir um störf þingsins. Það er 3. mgr. í 50. gr. þingskapa og hljóðar svo:
„Í upphafi fundar, áður en gengið er til dagskrár, geta þingmenn gert athugasemdir er varða störf þingsins. Enginn má tala oftar en tvisvar og ekki lengur en tvær mínútur í senn. Umræður um athugasemdir mega ekki standa lengur en í tuttugu mínútur.“
Þetta ákvæði er alveg skýrt.