Starfskjör launafólks og skyldutrygging lífeyrisréttinda.

Hæstv. forseti. Ég kveð mér hljóðs fyrst og fremst til að þakka góðar undirtektir fulltrúa stjórnarandstöðuflokkanna, hv. þm. Péturs Bjarnasonar, Frjálslynda flokknum og hv. þm. Valdimars Leós Friðrikssonar frá Samfylkingunni, og minni þá á sem á hlýða að ef við skiptum um stjórnarmeirihluta á Alþingi og settum ráðherrabekkinn út í sal og mynduðum stjórn meiri hluta Vinstri hreyfingarinnar – græns framboðs, Frjálslynda flokksins og Samfylkingarinnar þá yrði þetta frumvarp um réttarbót til handa erlendu launafólki á íslenskum vinnumarkaði að öllum líkindum að lögum.