Þjóðskrá og almannaskráning.

Frú forseti. Á vegum dómsmálaráðuneytisins starfa sýslumannsembætti víðs vegar um landið og dómsmálaráðuneytið hefur leitast við á undanförnum mánuðum og árum að færa verkefni til sýslumannsembættanna til þess að styrkja þau. Þetta liggur fyrir. Með því að þetta mál fer til dómsmálaráðuneytisins er á margan hátt miklu auðveldara að fara yfir það og ég er viss um að dómsmálaráðuneytið mun fara eins að í mörgum öðrum málum.