133. löggjafarþing — 72. fundur, 15. feb. 2007.
samgönguáætlun fyrir árin 2007--2018.
575. mál
Virðulegi forseti. Ég get enn einu sinni þakkað hv. þm. Halldóri Blöndal fyrir innlegg hans í umræðuna. Ég hlustaði með athygli á það sem hann sagði um Dettifossveg og það svæði. Ég verð að játa að ég var ekki eins vel inni í því eins og hann.
Ástæða mín fyrir stuttu andsvari nú var að spyrja hv. 2. þm. Norðausturkjördæmis og vin minn út í það hvort honum finnist það nægjanlegt að Norðfjarðargöng verði ekki tilbúin fyrr en 2013, ef áætlunin gengur fram.