skipan nefndar til að kanna starfsemi vist- og meðferðarheimila fyrir börn.
Frú forseti. Alveg er það dæmigert fyrir hv. þingmann að hann skuli tala með þessum hætti um þessi alvarlegu mál og gera þannig lítið úr því verkefni sem hér á að ráðast í og sem jaðrar við að kenna ríkisstjórninni um eitthvað sem gerðist fyrir áratugum síðan, (ÖS: Nei, …) jaðraði við sagði ég. (ÖS: Þetta er tóm vitleysa hjá forsætisráðherra.) Svo er það náttúrlega þannig að í fyrirsögn þessa frumvarps og alls staðar annars staðar í því er talað um vistheimili í fleirtölu. Ég taldi mig hafa útskýrt það býsna vel, bæði í framsögu minni og í svari við andsvari hv. þingmanns hvað hér er á ferðinni. (Gripið fram í.) Það verður að taka hlutina í skipulegri röð og það er það sem stendur til að gera og það verður engum stofnunum eða aðilum sérstaklega hlíft þrátt fyrir ummæli hv. þingmanns.