fjáraukalög 2007.

Herra forseti. Það er sjálfsagt að þessum upplýsingum verði komið á framfæri við nefndina eins og hefðbundið er þegar farið er dýpra ofan í einstök mál. Eins og kom fram í máli hv. þingmanns þá er ekki um það að ræða að það séu neinar sérstakar fjárveitingar eða einhverjar sérstakar heimildir vegna Grímseyjarferjunnar í þessu frumvarpi sem hér er um að ræða en að sjálfsögðu er ekkert því til fyrirstöðu að upplýsa hv. þingmann og aðra þingmenn um stöðu málsins á vettvangi nefndarinnar.