almannatryggingar o.fl.
Virðulegur forseti. Það er algjörlega ljóst, og það veit hv. þingmaður vonandi, að útgjaldarammanum var lokað 29. maí, þá lá hann fyrir. Eftir það vinna menn auðvitað í fjárlagagerðinni en hreyfa ekki stóra punkta. Þannig er nú aginn í gerð fjárlaga í dag, góðu heilli.
Virðulegi forseti. Ég ítreka að Samfylkingin mun standa við kosningafyrirheit um úrbætur í málefnum eldri borgara og öryrkja. Við það verður staðið og fyrsta skrefið í þá átt er stigið með flutningi tryggingamála til félagsmálaráðherra. Við bindum miklar vonir við það svigrúm sem hæstv. félagsmálaráðherra gefst á næsta ári.