varnir gegn snjóflóðum og skriðuföllum.

Virðulegi forseti. Það er um þetta mál eins og hið fyrra að út af fyrir sig er ekki margar athugasemdir við það að hafa. Eins og við þekkjum hefur á undanförnum árum verið unnið mikið og gott starf að bættu hættumati í þéttbýli og full ástæða er til þess að huga að dreifbýlinu líka og leita leiða til þess að kosta þetta verkefni á næstu tveimur árum. Ég hygg að það frumvarp sem hér liggur fyrir muni fá, ég vona, jákvæða umfjöllun í umhverfisnefnd og að minnsta kosti nokkuð skjóta.