skráning og mat fasteigna.
Frú forseti. Já, það var kannað hvað þetta mundi kosta sveitarfélögin. Þau andmæltu þessu gjaldi vegna þess að það væri óháð kostnaði af fasteignamati ef gjaldið yrði sett á varanlega, heldur mundi eingöngu breytast í takt við breytingu á verði fasteigna, algjörlega vélrænt, án þess að taka tillit til þess kostnaðar sem vinnsla slíkra gagna hjá Fasteignamatinu veldur.
Það er í og með þess vegna að hv. efnahags- og skattanefnd lagði til að þetta ákvæði stæði aðeins í eitt ár en yrði síðan gert í formi þjónustusamnings við sveitarfélögin.