Ísland á innri markaði Evrópu.
Virðulegi forseti. Það er allt rétt sem hv. þingmaður segir um þessi tvö frumvörp, þau eru til þess að skýra þá stefnu sem verið hefur og til að rýmka í ákveðnum atriðum reglurnar frá því sem hefur gilt. Það er fagnaðarefni. Ég ítreka bara þau sjónarmið sem ég setti fram þá og nú að ég tel að ganga þurfi lengra í að rýmka reglurnar gagnvart fólki utan Evrópska efnahagssvæðisins. Ég fagna því að heyra hér hljómgrunn fyrir þeim viðhorfum og vona að við getum náð saman um einhverjar breytingar í meðförum þessara tveggja frumvarpa á þinginu í vor.