skýrslur um norrænt samstarf 2007.
Herra forseti. Mjög margt fróðlegt kom fram hjá hv. þm. Guðjóni Arnari Kristjánssyni sem þekkir manna best hér, þingmanna, lífið á miðunum fyrir norðvestan Ísland og á sundinu milli Íslands og Grænlands.
Í ljósi þess sem hv. þingmaður og skipstjóri sagði áðan þá langar mig að koma með spurningu út frá orðum hans um þessa hættu í sambandi við olíuskip og fleira, þ.e. hvort hann telji ástæðu til að koma upp einhvers konar auknum björgunarbúnaði eða einhverju slíku á Vestfjörðum í tengslum við þessar auknu siglingar sem menn eru sífellt að tala um að muni verða og eru kannski þegar farnar að koma.