efnahagsmál og umræða um fjárlög 2009.

Herra forseti. Ég skil út af fyrir sig ábendingar hv. þingmanns um þá óvissu sem ríkjandi er. Við vitum öll af henni. Hún var rædd í þaula í umræðum í gærkvöldi um stefnuræðu mína. Það breytir ekki því að það er eðlilegt að ganga nú til þess verks að ræða fjárlagafrumvarpið en vissulega fer sú umræða fram í ljósi þeirrar óvissu sem ríkir um ýmsa aðra hluti. En málið verður að komast í vinnslu í þinginu og síðan mun framvinda þess og úrvinnsla markast af öðrum ákvörðunum sem teknar kunna að verða á næstunni.