136. löggjafarþing — 37. fundur, 27. nóv. 2008.
rannsókn á aðdraganda og orsökum falls íslensku bankanna 2008.
180. mál
Hæstv. forseti. Það var eitt smáatriði sem ég vildi leggja áherslu á, að þegar litið er til lagasetningar þá horfa menn iðulega til umræðu sem fram fer um frumvörp sem lögskýringargagna. Í ræðu minni áðan lagði ég ákveðinn skilning í þetta frumvarp, ákveðnar áherslur og ég óskaði eftir því að ef menn væru ekki sammála þeim þá kæmu fram eindregin andmæli gegn þeim annars yrði litið svo á að þær stæðu. Þetta þarf nefndin að hafa í huga þegar hún hefst handa.